Eg ser det igjen. 5 sesongen. Eg må vere med Cecilie, for eg klarte ikkje tanken på at ho skulle gå igjennom dette traumet aleine. Så vi såg den fælaste episoden i går, grein tretten liter. Cecilie fekk ut litt av sin frustrasjon ved å bjeffe "eg håpa megga Maggie dør av klamydia". Jada, det gjer ho nok. Ellers har vi utvikla et kjempekonsept, har tenkt å delta på "Skaperen" og faktisk vinne. Ein blir full av (dårleg) kreativitet av å sitte for lenge på Pingvinen når det er søndag. Konseptet går ut på at ein kan blokkere menneske frå livet sitt, kun ved å trykke på ein knapp. Den knappen kan ein feste der ein vil, den kan skaffast i alle verdas fargar, og den verker alltid. Bortsett frå om ein har promille, då får ein beskjed om å prøve igjen seinare. Når ein har trykka på knappen, forsvinn menneska garantert frå livet ditt, du slutter å tenke på dei, får ingen ubehagelege telefonoppringningar midt på natta, får heller ikkje akutt behov for å ringe dei - faktisk aldri meir. Men det som er ekstrabonusen med denne knappen, er at du faktisk kan av-blokkere folk igjen. Og då står dei på døra di innan eit kvarter. Dette har vi stor tru på, men merka kanskje vi hadde liiittegrann arbeid igjen med sjølve utføringa av... alt, eigentleg. Men tanken var god, den skal vi ha.