Eg må sei at eg syns Logen i Bergen tek ekstremt store sjansar for tida. Mogeleg at eg er teit (det er faktisk både mogeleg og sikkert sant), men når dei set opp to band dagen etter kvarandre med ganske likt-klingande navn, kan det fort bli innvikla. Her ein dag då eg tok bussen heim frå jobb, såg eg ein plakat der det stod at Kashmir skulle spele på Logen. Det var strålande nyhende, sidan Vegard, min gode venn, er stor fan av dei. Seinare på dagen snakka eg med V, og vi fann ut at ikkje berre var konserten dagen etter, men vi skulle faktisk på den saman. Vegard skulle ta bussen hit, og eg begynte å glede meg. Eg skulle sjekke på jobb dagen etter om det var nok billettar, og så var det klart for besøk, konsert og fest. Morgonen etter, las eg avisa, og trudde ikkje mine eigne auge! Corazon, som skulle spele på Logen, hadde ved hjelp av ein svensk sjåfør og sin "gode" GPS kjørt rundt halve Norge og til slutt enda opp i Bergen. Problemet var berre at sjølv om det stod Bergen på GPS`en, så var dei eigentleg i Voss. Og ikkje berre det - dei var også så seint ute at konserten måtte avlysast. Da eg snakka med Vegard etter jobb, foralte eg han heile historia, temmeleg bestyrta. Han holdt seg rolig, så eg fekk fortalt heile historia. Så sa han berre: Ja, men Trine. Ka skjer her no? Greit nok at Corazon har kjørt seg vill, men vi skal jo på konsert med Kashmir, så det trenge vi jo ikkje å bry oss om? Han hadde jo eit poeng der. Og kva som skjedde oppe i hodet mitt då Kashmir vart Corazon, veit ikkje eg. Men eg syns uansett at det kan høres veldig likt ut om ein legg godviljen til. Og dersom Logen vil gjere dette igjen ein annan gong, for eksempel med Aha og Uha (eller noko liknande), kan dei vennligst sette opp konsertane med eit par vekers mellomrom? Ja, tuusen takk! Det vart forresten ikkje noko av konserten likevel, då Vegard ikkje følte seg heilt bra. Kanskje var det eigentleg berre fordi han syns eg er så dust. Som plaster på såret sett eg inn eit bilde av Kashmir, dei ekte denne gongen.